نبأ - رام الله
ناشدت الأسيـرة أنهار الديكي، المؤسسات الإنسانية والحقوقية الدولية العمل على إطلاق سراحها من سجون الاحتلال، بعدما باتت على مقربة من الولادة.
وقالت الأسيرة في رسالة مؤثرة اليوم الأربعاء، "اشتقت لجوليا بشكل مش طبيعي... قلبي واجعني عليها ونفسي أحضنها وأضمها لقلبي... الوجع الي في قلبي لا يمكن أن يكتب في سطور".
وأضافت: "شو أعمل إذا ولدت بعيد عنكم وتكلبشت وأنا أولد وإنتوا عارفين شو الولادة القيصرية بره! كيف بالسجن وأنا مكلبش لحالي... آآخ يا رب طمعان في رحمتك... أنا كثير تعبانة وصابني آلام حادة في الحوض ووجع قوي في اجري نتيجة النوم على "البرش" مش عارفة كيف بدي أنام عليه بعد العملية".
وجاء في الرسالة: "كيف بدي أخطو خطواتي الأولى بعد العملية وكيف السجانة تمسك إيدي باشمئزاز لسا بدهم يحطوني في العزل أنا وإبني ويا ويل قلبي عليه عشان الكورونا".
وكتبت: "مش عارفة كيف راح أقدر أدير بالي عليه وأحميه من أصواتهم المخيفة وقد ما كانت أمه قويه راح تضعف قدام اللي بعملوه فيها وفي باقي الأسيرات طالبوا كل حر وشريف بغار على عرضه وشرفه بأن يتحرك ولو بكلمة... خطية هالولد في رقبة كل واحد مسؤول وقادر يساعد وما بساعدة".
